ఆకాశం
ఒక అందమైన పురాతన చర్మపత్రం…
దానిమీద సూర్యుడూ చంద్రుడూ
ప్రతి రోజూ తమ దినచర్య నమోదుచేస్తుంటారు.
దాన్ని అంతటినీ చదవాలంటే
మహా జ్ఞాని కంటే కూడా
ఎక్కువ భాషాపటిమ గలిగి ఉండాలి.
‘కలా’మతల్లి కంటే కూడా ఎక్కువ
దివ్యదృష్టీ, భావుకతా కలిగి ఉండాలి.
కానీ, దాన్ని అనుభూతి చెందడానికి మాత్రం
మనిషి దానికి వినమ్రంగా అంతేవాసిత్వం నెరపాలి:
ఎంత శ్రద్ధగా విడవకుండా శుశ్రూష చెయ్యాలంటే,
ఒక సముద్రం లాగనో
లేక, ఒక భూమిలాగనో…
నిరంతరం, ఒకేఒక్క నమ్మకమైన
ఆంతరంగికుడిలా మెలగాలి …
.
ఆల్ఫ్రెడ్ క్రీంబోర్గ్
December 10, 1883 – August 14, 1966
అమెరికను కవి.
వ్యాఖ్యానించండి